11月10日

近兩個月無更新BLOG,因為實在無乜心情,雖知不能被情緒左右,但功力未夠班,只能接受現實.

研究返個市先,近幾日,十日有八日高開低收,升市主要用GAP UP裂口去升,但沽足全日,又引人做LONG,結果今日大跌近千點,如果唔係手上有大量好倉,真係巳經開左淡倉了.

近日發現多一樣野,原來要睇升跌,可以從細微著手,

第一,個市成日想引人追LONG,結果會變蟹的,但係D無人買上既地方,佢又無端端會升返比你,等你追入,結果也是蟹,近日好多咁既情況,結果就係今日大跌了,昨天總數加大倉,而淨數微加,基本上等於是大戶過好倉比散戶,現在散戶接晒好倉,咁能中招了,明天反彈我相信要走緊D CALL了,今轉又要輸二萬,唉,希望能輸少D~~~查實少少迹像巳經有預示,只是手上太重倉,被影響了,下次要注意呢個問題.炒股巳經幾年了,炒期指今時今日都仲係新手中,真係有點覺得唔知做緊乜,還在堅持中,無言.

 

由上圖可見,開市GAP DOWN七百點,第一波下跌先視為止蝕盤,然后反彈,但反彈到咁上下就無力,再行下跌,沽盤擁現,然后在后來一段並未見有大量平淡倉盤出現,為什麼會認為有人沽空期指呢,原因是昨天的總數大加,而淨數小加,好明顥大戶將D好倉轉晒去散戶手上,因此,今天必會有止蝕盤出現,而且大戶並未心急買貨,反而一波一波將期指拉向低位,到左下午,四百張一根出現左,大戶手影,然后無力反彈時沽盤擁現,呢D全部視為大戶的沽空盤,到底后,低位,並未見大戶的大量好倉接貨,反而是無量反彈,再后來收市前才見到大戶淡倉平倉,不過好可能只是即市淡倉,因為最后十五分中只是大概成交左七千五百張,在最后一段下跌到底的止蝕盤只是成交左五千張到,即是那段路大概是萬二張.